About Tamil Department

        வணக்கம்! தென்னாங்கூர் அரசு கலை மற்றும் அறிவியல் கல்லூரி 2010ஆம் ஆண்டு முதல் உயர்கல்விச் சேவையைச் சிறப்பாக வழங்கி வருகிறது. இக்கல்லூரியின் தமிழ்த்துறை கடந்த 2016ஆம் ஆண்டு தொடங்கப்பட்டு, தமிழ் மொழி, இலக்கியம், பண்பாடு மற்றும் ஆய்வியல் சார்ந்த தரமான கல்வியை மாணவர்களுக்கு வழங்கி வருகிறது.
        இத்துறையில் பத்து பேராசிரியர்கள் அர்ப்பணிப்புடனும் கல்விசார் அனுபவத்துடனும் பணியாற்றி, மாணவர்களின் அறிவுத்திறன், ஆய்வுச் சிந்தனை, படைப்பாற்றல் மற்றும் சமூகப் பொறுப்புணர்வை வளர்க்கும் வகையில் வழிகாட்டி வருகின்றனர். வகுப்பறைக் கற்றலுடன் கருத்தரங்குகள், இலக்கிய மன்ற நிகழ்வுகள், சிறப்புரைகள், போட்டிகள், களஆய்வுகள் மற்றும் விரிவாக்கச் செயல்பாடுகள் மூலம் மாணவர்களின் முழுமையான ஆளுமை வளர்ச்சிக்கு முக்கியத்துவம் அளிக்கப்படுகிறது.
கடந்த எட்டு கல்வியாண்டுகளில் இத்துறையில் சுமார் 411 மாணவர்கள் வெற்றிகரமாகப் பட்டம் பெற்று, உயர்கல்வி, அரசு மற்றும் தனியார் துறைகளில் தங்களது திறமையை வெளிப்படுத்தி வருகின்றனர்.
தமிழின் செம்மொழிச் சிறப்பையும் பண்பாட்டு மரபுகளையும் பேணிப் பாதுகாத்து, சமகாலத் தேவைகளுக்கு ஏற்ப அறிவு, திறன், பண்பாடு மற்றும் சமூகப் பொறுப்புணர்வு மிக்க பட்டதாரிகளை உருவாக்கும் உயரிய பணியை தமிழ்த் துறை தொடர்ந்து மேற்கொண்டு வருகிறது.